မြန်ဆန်လွန်းလှတဲ့ လူ့ဘဝလမ်းပေါ်မှာ

ဒီနေ့ သူ အလုပ်နားရက်။ မနေ့ကမှ အသစ်စက်စက် ဝယ်ထားသော ဂျက်ဂွာကားလေးကို ခုလို မနက်ခင်းစောစော၊ လူသူရှင်းရှင်းမှာ မြန်နှုန်းမြင့် မောင်းနှင်ရတာ အင်မတန် စိတ်ချမ်းသာဖို့ ကောင်းသည်။ ဒီလို အဖိုးတန်ကားမျိုး ဝယ်စီးနိုင်အောင်၊ ဒီအရွယ်နဲ့ ဒီလောက်ထိ ချမ်းသာလာအောင် အလုပ်အပေါ် အချိန်တွေ ဘယ်လောက်ပေး ကြိုးစားခဲ့ရသလဲ။ သူ့အောင်မြင်မှုများက လွယ်လွယ်နှင့် ရခဲ့သည်တော့မဟုတ်ချေ။ ခုလို အရှိန်အဟုန်ပြင်းပြင်းနှင့် အောင်မြင်ကြွယ်ဝလာအောင် သူ့ဘဝ အချိန်တွေကို သူ့လုပ်ငန်းတွေအပေါ်မှာသာ စုပုံထားရင်း အားလပ်ချိန် ဆိုတာ သူ့အတွက် ရှားပါးပြီး အဖိုးတန်သော အချိန်များသာ ဖြစ်နေခဲ့သည်။

ဒီနေ့တော့ သူ့ သူငယ်ချင်းတွေနှင့် စုဆုံဖို့ချိန်းထားသော နေရာတစ်ခုကို သွားဖို့ ရှိသည်။ သူ၏ အောင်မြင်မှုများကို အားကျနေသော သူ့ မိတ်ဆွေများက သူ့ ဂျက်ဂွာကား အသစ်စက်စက်လေးကို မြင်လျှင် အထင်ကြီးစွာ ချီးကျူးကြလိမ့်ဦးမည်။ အတွေးနှင့်ပင် သူ့ကိုယ်သူ ဂုဏ်ယူဝင့်ကြွားစွာ တစ်ချက်ပြုံးမိရင်း ကားကို အရှိန်လျှော့ချလိုက်သည်။ ရှေ့က ပန်းခြံဘက်မှာ မတော်တဆ ကလေးငယ်လေးတွေ ဆော့ကစားရင်း လမ်းမပေါ် ပြေးဆင်းလာပါက အန္တရယ် မဖြစ်စေချင်သောကြောင့် ဖြစ်သည်။ ပန်းခြံထဲက ကားရပ်နားရာနေရာမှာ အရိပ်တစ်ခုကို တွေ့လိုက်မိသလို ရှိသော်လည်း သူ ဂရုမထားမိပဲ ကားကို ဆက်မောင်းသွားလိုက်သည်။ အဲဒီအချိန်မှာပဲ သူ့ကား ဘေးတံခါးကို တစ်စုံတစ်ခု ထိမှန်သံကြားရ၏။ ကားကို ဝုန်းခနဲ ထိုးရပ်ပြီး ကပျာကယာ ဆင်းကြည့်မိတော့ သူ့ကားဘေးတံခါးက ခဲလုံးတစ်လုံး ထိမှန်ပြီး ပွန်းပိန့်နေသည်။ ခဲလုံးလာရာဘက်ဆီ သူကြည့်မိတော့ အသက် လေးနှစ်အရွယ် ခလေးငယ်တစ်ဦး။

“မင်းကိုယ်မင်း ဘာထင်လို့ ခုလို ငါ့ကားကို ခဲနဲ့ပေါက်ရတာလဲ။ ဒီကားကို ဘယ်လောက်တန်သလဲ မင်းသိရဲ့လား။ ဈေးကြီးပေးပီး ဝယ်ထားရတဲ့ ငါ့ကား အသစ်စက်စက်လေး၊ မင်း ခဲနဲ့ပေါက်လိုက်လို့ ပွန်းပဲ့သွားပြီ။ ခု အဲတာကို ပြင်ဖို့ ငါ ပိုက်ဆံ အများကြီး ကုန်ရတော့မယ်။ မင်း ဘာကြောင့် ဒီလိုလုပ်တာလဲ..။ ပြော.. ငါ့ကို ပြောစမ်း...”

သူ.. ဒေါသစိတ်တို့နှင့် မွှန်ထူပြီး ခလေးငယ်ဆီ ပြေးသွားကာ ပခုံးကို တရစပ် လှုပ်ခါရင်း အော်ဟစ်ကြိမ်းမောင်းပစ်လိုက်မိသည်။ ခလေးငယ်လေးကတော့ ကြောက်လွန်းလို့ တဆတ်ဆတ် တုန်နေပြီ။

“တောင်းပန်ပါတယ် ဆရာရယ်။ ကျွန်တော် ဘာဆက်လုပ်ရမှန်းမသိလို့ပါ။ တကယ်ပဲ တောင်းပန်ပါတယ်”

“ကား မရပ်ပဲ ဆက်မောင်းသွားမှာ စိုးလို့ ခဲနဲ့ ပေါက်မိလိုက်တာပါ”

နောက်တော့ ခလေးငယ်က ငိုရှိုက်ရင်း ပန်းခြံထဲက တစ်နေရာကို လက်ညှိုးထိုးပြီး ဆက်ပြော၏။

“အဲ့နားမှာ ကျွန်တော့်အကို ပလက်ဖောင်းပေါ်က ပြုတ်ကျသွားလို့ပါ။ ကျွန်တော့်အကိုက ခြေထောက်မသန်ပါဘူး။ သူ ဒဏ်ရာရသွားပြီး သူ့ ဘီးတပ်ကုလားထိုင်ပေါ် ပြန်မတက်နိုင်တော့တာကို ကျွန်တော့်အားနဲ့ ပြန်မထူနိုင်လို့ အကူအညီ ရလိုရငြား လုပ်မိလုပ်ရာ လုပ်လိုက်တာပါ။ ဆရာ့ကို စိတ်ဆိုးစေဖို့ မရည်ရွယ်ပါဘူး။ ကျွန်တော့်ကို သနားရင် ကျွန်တော့်အကို ကို ဘီးတပ်ကုလားထိုင်ပေါ် ပြန်တင်ပေးဖို့ တောင်းပန်ပါတယ်”

ကြောက်ရွှံ့နေသော ခလေးလေး၏ မျက်ရည်လည်ရွှဲစကားတွေက သူ့ ဒေါသစိတ်တွေကြောင့် ပူလောင်နေသော လည်ချောင်းနှင့် နှလုံးသားတွေ အရည်ပျော်ဆင်းစေပြီး သနားမိသွားသည်။ ခလေးလေးနောက်လိုက်သွားကာ လဲကျနေသော အကိုဖြစ်သူကို ဘီးတပ်ကုလားထိုင်ပေါ် တင်ပေးလိုက်သည်။  နောက်ပြီး သူ့ကားထဲမှာ အမြဲ ဆောင်ထားတတ်သော ဆေးတစ်ချို့နှင့် ပွန်းပဲ့သွားသော ဒဏ်ရာများကို လူးပေးလိုက်သည်။ မျက်ရည်များ၊ နှာရည်များဖြင့် စိုရွှဲနေသော ခလေးလေးကိုလည်း သူ့လက်ကိုင်ပုဝါထုတ်ပြီး သန့်စင်ပေးလိုက်သည်။

ခလေးနှစ်ယောက်လုံးက ခုတော့ ကြည်ကြည်သာသာ ပြုံးလို့။

“ကျေးဇူးတင်ပါတယ်ဆရာ” ဟု ဦးညွှတ်နှုတ်ဆက်ပြီး အကိုဖြစ်သူ၏ ဘီးတပ်ကုလားထိုင်လေးကို တွန်းရင်း ထွက်ခွာသွားသော ခလေးလေးကို မျက်စိတစ်ဆုံး သူငေးကြည့်နေမိသည်။ နောက်တော့ သူ့ကားဆီကို ခပ်ဖြည်းဖြည်းပဲ ပြန်လျှောက်လာရင်း စဉ်းစားခန်း ဝင်နေမိ၏။  ပြီး.. ဘေးတံခါးပေါ်က ခဲမှန်ထားသော ပွန်းပဲ့ရာကို ဘယ်တော့မှ မပြုပြင်ပဲ အမှတ်တရထားဖို့ ဆုံးဖြတ်လိုက်တော့သည်။

ထို ပွန်းပဲ့ရာလေးကို မြင်တိုင်း ဘဝတစ်ခုကို အလျင်စလို မဖြတ်သန်းမိဖို့ သူ့ကိုယ်သူ သတိပေးနေမိတော့မည်။ အလျင်စလို ဖြတ်သန်းသွားမိတဲ့အခါ.. သူ ဂရုတစိုက် မရှိမိတဲ့ ကိစ္စတစ်ချို့က သူ့ကို ဂရုတစိုက် ရှိလာစေဖို့ အတွက် အခုလာမှန်တဲ့ ခဲလို သူ့ဘဝကို လာမမှန်ဘူးလို့ ဘယ်သူ ပြောနိုင်မလဲ.....။

ကျွန်တော်တို့ နှလုံးသားကို တစ်ချို့ကိစ္စတွေက စကားတိုးဖွ ပြောကြားသွားတယ်။ တစ်ခါတစ်ခါမှာ အဲဒီစကားသံကို ကြားနာနိုင်ဖို့ ကျွန်တော်တို့မှာ အချိန်မရှိဘူး။ အဲဒီစကားသံတိုးဖွကို ကြားနိုင်ဖို့အတွက် ခဲနဲ့ ပစ်ခတ်သတိပေးတာကိုလဲ ခံရချင် ခံရနိုင်တယ်။

တိုးဖွညင်သာတဲ့ စကားသံကို ကြားအောင် နားထောင်နိုင်မလား။ ခဲနဲ့ ပစ်ခံရတဲ့အချိန်ထိ စောင့်မလား။ ရွေးချယ်မှုကတော့ ကျွန်တော်တို့ လက်ထဲမှာ...။

Life In The Fast Lane ကို ခံစားရေးဖွဲ့ပါသည်။

မေတ္တာဖြင့်

 မိုးကုတ်သား

Insomnia (by Craig David)

အိပ်မရတဲ့ရောဂါ

အိပ်မရတဲ့ညတွေက လူတစ်ယောက်ကို ဘယ်လောက်ထိ နှိပ်စက်နိုင်လေသလဲ....
တွေဝေထိုင်းမှိုင်းသွားစေသလား....
နာမကျန်း ဖြစ်စေနိုင်သလား...
တမြေ့မြေ့နဲ့ သေဆုံးသွားစေတဲ့ထိ ဖြစ်စေနိုင်သလား.....
အိပ်မရတဲ့ရောဂါက ကျွန်တော့်ကို ရူးသွပ်သွားစေနိုင်တာကိုတော့ ကိုယ်တိုင် ကြုံခဲ့လိုက်ရပြီ...။

အတွေးစတွေ နှိပ်စက်လွန်းလှလို့ နာကျင်ထုံခဲမှုတွေကို ရင်ဘတ်တစ်ခုလုံးနဲ့ မဆန့်အောင် ကြိတ်ချေရင်းက သွေးကြောမျှင်တွေ ပေါက်ပြတ်ထွက်မတတ် စူးစူးရှအောင် နာကျင် လို့....။
အိပ်ယာထက်မှာ ခွေခေါက်ရင်း..ကျွန်တော့်လက်တွေက ဘယ်သူမှ မရှိတဲ့ နံဘေးကို မကြာခဏ သွားရောက်ထိတွေ့လို့။ လေဟာနယ်တစ်ခုသာ ဖမ်းဆုပ်မိတိုင်း ဟောဒီရင်ဘတ်က ဟာခနဲ အာကသထဲ လွင့်ကျသွားပြန်ရော...။

အချစ်မှာ ဒီလောက် နစ်ကျွံသွားခဲ့မိတဲ့သူဟာ ကျွန်တော်ကိုယ်တိုင်ပဲတဲ့လားးး။
“ကိုယ် ဘယ်တုန်းကမှ မချစ်တတ်ခဲ့ဘူး” လို့ အရင်က လက်ခမောင်းခတ်ခဲ့တာ ကျွန်တော်မှ ဟုတ်လေရဲ့လား။
“မချစ်တတ်တဲ့သူ” လို့တောင် ကျွန်တော့်ကိုယ်ကျွန်တော်တင်မက..သူမကရော.... တစ်ချိန်လုံး ထင်နေခဲ့တာလေ....။
ရိုးရှင်းတဲ့ ငြိတွယ်မှုတစ်ခုကနေ သံယောဇဉ်ကြိုးတစ်မျှင်က တစ်စတစ်စ ခိုင်မာလာခဲ့တာ...
နောက်တော့ ကျွန်တော့်ဘဝထဲကို ကောင်မလေးက တစ်စတစ်စ ဝင်ရောက်လို့လာခဲ့တာ...
ကောင်မလေးရောက်လာမှ “ကျွန်တော်” ဆိုတဲ့ တစ်ယောက်တည်းဘဝကနေ “ကျွန်တော်တို့” ဆိုတဲ့ နှစ်ယောက်ဘဝကို ရင်ခုန်ကြည်မွေ့တတ်လာခဲ့တာ...
အိုးးး... ညပေါင်းများစွာမှာ အနာဂါတ်အတွက် အိပ်မက်တွေတောင် တူတူမက်ကြလို့ပေါ့.....။

“တော်လောက်ပါပြီ၊ လုံလောက်ပါပြီ”
အဲဒီလိုနဲ့ ကျွန်တော့် အိမ်လေးထဲက သူမ ရုတ်တရက်.. ထွက်ခွာသွားပြီးကတည်းက ဒီ အိပ်မရတဲ့ရောဂါဆိုးဟာ ကျွန်တော့်ဆီ ရောက်လာခဲ့တော့တာပဲ...
နောက်ပြီး ကျွန်တော့်ဘဝတစ်ခုလုံး ကသောင်းကနင်းနဲ့ လှုပ်ခတ်ပြီး ကျန်နေရစ်ခဲ့ရပုံများ.......
တကယ် မျှော်လင့်မထားခဲ့ပါဘူး။

အခုတော့ ကျွန်တော့်ဘေးမှာ သူမ ရှိမနေရင် အိပ်မပျော်တော့ဘူး...
သူမနေရာမှာ လပ်ဟာနေတိုင်း ကျွန်တော့အာရုံတွေဟာ အိပ်စက်ခြင်းကို သူမနဲ့အတူရောက်လာမလား စောင့်မျှော်နေမိတယ်...။
အရင်လို ကျွန်တော့် အိမ်ကလေး၊ ကျွန်တော့် အိပ်ခန်းလေးဟာ သူမရဲ့အငွေ့အသက်တွေနဲ့ ဘယ်တော့များမှ လွှမ်းခြုံမွှေးပျံ့တော့မှာလဲကွယ်.....။
အခုတော့ အရာအားလုံးဟာ ဆိတ်ငြိမ်စွာနဲ့ တစ်စတစ်စ သေဆုံးနေကြသလို....

“ပြန်လာခဲ့ပါ ကောင်မလေးရယ်...”
အခန်းလေးထဲမှာ တိတ်တဆိတ်ငေးငိုင်နေရင်းက အရာအားလုံး ကမောက်ကမ ဖြစ်အောင် လုပ်ခဲ့တာ ကျွန်တော်ကိုယ်တိုင်ပဲလို့ ကိုယ့်ဘာသာ ယူကျုံးမရဖြစ်ရင်း...
အတိတ်တွေကို ပြန်သွားပြီး အမှားတွေပြင်လို့ရတဲ့အခါ အရာရာကို အသစ်က ပြန်စဖို့သာ တဖွဖွ တမ်းတကြေကွဲရင်း..
အိပ်မရတဲ့ရောဂါဟာ ကျွမ်းရင့်လောင်မြိုက်လို့ လာတယ်။

ကောင်မလေးရေ.. မင်းကို လွမ်းတာ အချစ်ကြောင့်တော့ မဟုတ်ပါဘူး။ သံယောဇဉ်ကြောင့်ပါကွာ...
အဲဒီလို ကိုယ့်ကိုကိုယ်.. လှည့်ဖျားရင်းကလည်း... ကျွန်တော်ဟာ တစ်စတစ်စ ရူးသွပ်လာခဲ့တယ်..။
ဟုတ်တယ်...
အိပ်မရတဲ့ညတွေကြောင့် ကျွန်တော် ရူးသွပ်သွားခဲ့ပြီ...။
အဲဒီလို ရူးသွပ်ခဲ့လို့လဲ ကျွန်တော်က ကောင်မလေးကို ခုလောက်ထိ နက်နက်ရှိုင်းရှိုင်း ချစ်မိသွားခဲ့တာပေါ့။
အခုတော့ ကျွန်တော်ဟာ သူမဆီမှာ ကျရှုံးသွားခဲ့ပါပြီ...
သူမဟာ ကျွန်တော့်ဘဝရဲ့ အရာရာတိုင်းကို နက်နက်ရှိုင်းရှိုင်း ထိုးဖောက်ဝင်ရောက် နေရာယူထားခဲ့ပါပြီ...
အိပ်မရခြင်းများစွာနဲ့ ကျွန်တော် ရူးသွပ်ခဲ့ရတာဟာ “အချစ်” ကြောင့်လို့ ကျွန်တော် သိခဲ့လိုက်ရပါပြီ...

“ပြန်လာခဲ့ပါ ကောင်မလေးရယ်”
နှလုံးအိမ် ကွဲထွက်သွားအောင် ရင်ထဲမှာ ပဲ့တင်သံ အထပ်ထပ်မြည်အောင် အသံတိတ် ရူးသွပ်စွာ... ပေါက်ကွဲနေရင်းက...

အိပ်မရတဲ့ရောဂါဟာ ကျွန်တော့်ဘဝကို တစ်ဖဲ့စီ ဖဲ့ခြွေဝါးမျိုနေခဲ့ပါပြီ...
အိပ်မရတဲ့ရောဂါဟာ ကျွန်တော့်ဘဝကို ဖဲ့ခြွေဝါးမျိုနေခဲ့ပါပြီ...
အိပ်မရတဲ့ရောဂါဟာ ကျွန်တော့်ကို ဖဲ့ခြွေဝါးမျိုနေခဲ့ပါပြီ...
အိပ်မရတဲ့ရောဂါဟာ ဖဲ့ခြွေဝါးမျိုနေခဲ့ပါပြီ...
အိပ်မရတဲ့ရောဂါဟာ ဝါးမျိုနေခဲ့ပါပြီ...
အိပ်မရတဲ့ရောဂါဟာ......

((((((((((((((အားးးးးးးးးးးးးးးးးးးးးး))))))))))))))))

Insomnia

Craig David



I never thought that I'd fall in love, love, love, love
But it grew from a simple crush, crush, crush, crush
Being without you girl, I was all messed up, up, up, up
When you walked out, said that you'd had enough-nough-nough-nough

Been a fool, girl I know
Didn't expect this is how things would go
Maybe in time, you'll change your mind
Now looking back i wish i could rewind

Because i can't sleep til you're next to me
No i can't live without you no more
Oh i stay up til you're next to me
Til this house feels like it did before
Feels like insomnia ah ah, Feels like insomnia ah ah
Feels like insomnia ah ah, Feels like insomnia ah ah

Remember telling my boys that I'd never fall in love, love, love, love
You used to think I'd never find a girl I could trust, trust, trust, trust
And then you walked into my life and it was all about us, us, us, us
But now I'm sitting here thinking I messed the whole thing up, up, up, up

Been a fool (fool), girl I know (know)
Didn't expect this is how things would go
Maybe in time (time), you'll change your mind (mind)
Now looking back i wish i could rewind

Because i can't sleep til you're next to me
No i can't live without you no more (without you no more)
Oh i stay up til you're next to me (to me)
Til this house feels like it did before (Because it)
Feels like insomnia ah ah, Feels like insomnia ah ah
Feels like insomnia ah ah (Ah), Feels like insomnia ah ah

Ah, i just can't go to sleep
Cause it feels like I've fallen for you
It's getting way too deep
And i know that it's love because

I can't sleep til you're next to me
No i can't live without you no more (without you no more)
Oh i stay up til you're next to me (to me)
Til this house feels like it did before
Feels like insomnia ah ah, Feels like insomnia ah ah
Feels like insomnia ah ah, Feels like insomnia ah ah

Feels like insomnia ah ah, Feels like insomnia ah ah
Feels like insomnia ah ah, Feels like insomnia ah ah

(သီချင်းလေးထဲက စာသားတွေကို ပြန်ဆွဲထုတ်ခံစားပြီး ရေးထားတာပါ။ ဒီသီချင်းလေးကို နားထောင်မိပြီး... အိပ်မရတဲ့ မိတ်ဆွေများအတွက် တင်လိုက်ပါတယ်....)

မေတ္တာဖြင့်
မိုးကုတ်သား

အညတြ (၂)

နူးညံ့သူအတွက်
လေပြေလေးတစ်ချက်က အားပြင်းတယ်။
ရနံ့တွေ မှ မပျယ်ခင်
အလှတွေမှ မကြွယ်ခင်
သင် ကျီစားတဲ့ တစ်ချက်အဝှေ့မှာ
ဖြတ်ခနဲသာ ငါကြွေကျရမှာလား၊
ပွင့်ဖတ်ဝတ်မှုံလေးတွေ
သင်းထုံမွှေးမြခွင့်ကိုမှ
မရတဲ့အခါ...
ကန်စပ်ကပန်းဘ၀
ရေထဲ ကြွေကျလဲ
ဝမ်းနည်းဘယ်သူ ရှိတော်မူ။ ။

( ပန်းပုံလေးက သေးနေတော့ ပုံလေးပေါ် နှိပ်ပီးကြည့်မှ ကောင်းကောင်းမြင်ရမယ်ထင်ရဲ့။ )

မေတ္တာဖြင့်
မိုးကုတ်သား

ကိုယ့်... ညနေခင်းများး ရဲ့ အလင်းရှင်

ညနေခင်း တစ်ခုရဲ့…
နေဝင်စ ကောင်းကင်
တစ်ဆုပ်တစ်ခဲ ဖွဖွလေးကျဲနေတဲ့ တိမ်တိုက်တစ်ခု
အရောင်တွေ ပြောင်းလို့ ပုံသဏ္ဍန်တွေ ရွေ့နေတယ်…
ဒါကောင်းကင် ကြီးရဲ့ ရင်ခွင်အောက်မှာပါ…
အဆုံးအစမရှိတဲ့ သက်ရှိအိမ်မက်တစ်ခု အဖြစ် အသက်ဝင်နေလေရဲ့..။

ညနေခင်းတစ်ခုတဲ့လား။ ဖြတ်သန်းခဲ့ရတဲ့ ကိုယ့်ရဲ့ အလင်းမဲ့ ညနေခင်းတွေဟာ နေ၀င်ပီး မိုးချုပ်နေတတ်ခဲ့တာ ကြာခဲ့ပြီကော။

မှတ်မှတ်ရရပေါ့...။

ကိုယ်တို့ချစ်ခြင်းဖွဲ့ရာဇ၀င်တွေရဲ့ အစမော်ကွန်းကို ရေးထိုးထားခဲ့တဲ့ မိန်ရာသီအရိပ်အာဝါသအောက်က...

၁၂ လုံးတန်းလမ်းမလေးပေါ်မှာ....

၂၂ ခုမြောက်သော ညနေခင်းလေးတစ်ခုဟာ နူးနူးညံ့ညံ့ဖူးပွင့်လို့...။

အဲဒီ့ညနေခင်းလေးရဲ့ ကောင်းကင်မှာ..

တိမ်တိုက်ကလေးတစ်ခု...

ညင်သာဖွဖွ ရင်ခုန်ဖွယ်ရာ ရွေ့လျားနေခဲ့တာကို အမိအရ ပုံတူပန်းချီ ရေးဆွဲဖို့ ကိုယ်... ....

စတင်ပြီး ကြိုးစားမိခဲ့တော့တယ်...။

တိမ်ဆိုတဲ့သဘောကိုက အသွင်အရောင် ပြောင်းတတ်တာ....

ပုံသဏ္ဍန်တွေ အမျိုးမျိုးဆောင်တတ်တာ....

ကိုယ်.. သိထားပေမဲ့......

အဲ့ဒီ တိမ်တိုက်တစ်ခုကို ကိုယ့် ညနေခင်းတွေထဲမှာ တယုတယနဲ့ ကိုယ် ကိုယ်တိုင်ပဲ အိပ်မက်တွေ သီဝေ စေခဲ့တော့တာ။

ရှိသမျှ ကြယ်တွေ၊ လတွေ၊ တိမ်တိုက်တွေ၊ နောက်ပြီး နေမင်းပါမကျန် သူ့ရင်ခွင်ထဲ ထည့်ထားတဲ့ ကောင်းကင်ကြီးကို မလိုတမာ လှမ်းကြည့်ရင်းက တိမ်တွေ အသွင်အမျိုးမျိုး ပြောင်းရတာ သူ့ကြောင့်လို့ ကိုယ်.... စွဲချက်တွေ တင်နေမိတယ်...။

အင်းလေ၊ ဘ၀ဆိုတဲ့ သက်ရှိအိပ်မက်ကြီးထဲမှာ ဘယ်အရာတွေကရော တည်မြဲနေသေးလို့လဲ။

မတည်မြဲခြင်းတွေကြားမှာပဲ ကိုယ်ဟာ အလင်းရှင် အတွက် ရာဇဝင်ကို ဖန်ဆင်းရေးသီနေခဲ့မိတာလေ.....

ဒီ ညနေခင်းရဲ့
ကောက်ရိတ်သိမ်း သီချင်းသံတွေကြား
မင်းခြေလှမ်းတွေ အတွက်
သွေးစွန်းနေတဲ့ ငါ့ဝိဥာဉ်မီးအိမ်လေးက လမ်းပြလို့
မင်းနှုတ်ခမ်းပေါ်ရောက်ရင် ချိုမြမယ့်
ငါ့ရဲ့ခါးသက်သက် အမောပြေ ဝိုင်တစ်ခွက် ရှိတယ်.

တရိပ်ရိပ်နဲ့ ရီဝေမူးယစ်စေတဲ့ ၀ိုင်တစ်ခွက်ဟာ မင်းပဲပေါ့။

ညနေခင်း အလုပ်တွေပြီးဆုံးချိန်မှာ ကိုယ့်အိမ်အပြန်လမ်းတွေက မင်းကို တွေ့ရတော့မယ် ဆိုတဲ့ မျှော်လင့်ချက်နဲ့ တက်ကြွလှပလို့...။

မင်းနှုတ်ဖျားက ထွက်ကျလာတဲ့ စကားလုံးတိုင်းဟာ ကိုယ့်အတွက်တော့ ချိုမြတဲ့ ဆည်းလည်း သံစဉ်လေးတွေ၊ တစ်နေ့တာ အမောကို ဖြေဖျောက်ပေးနိုင်မဲ့ အားဆေးတွေပဲလေ။

ခါးသက်သက် ချိုမြမြ ၀ိုင်တစ်ခွက်ကို စွဲလန်းတာမျိုးထက် အဆများစွာ ပိုပြီးတော့ကို မင်းကို ကိုယ်က လိုအပ်နေခဲ့သူပါ...။

ကိုယ့်နှလုံးသွေးတွေနဲ့ လောင်စာဖြည့်ထင်းထားတဲ့ ချစ်ခြင်း အလင်းတွေအောက်မှာ ကိုယ် ကိုယ်တိုင်ရဲ့ ၀ိဥာဉ်တွေ လင်းချင်းခဲ့ရတော့တာ...။

တဖြည်းဖြည်း… မှောင်ရိပ်တွေ ပျိုးလို့
ညရောက်တော့မယ်လေ…။
ငါ့ကို ဒီအသိတွေက လုယက်တိုက်ခိုက်နေတယ်
ဒီလိုနဲ့ ညတွေမှာ….
ငိုကြွေးနေတတ်တဲ့ ငါ့မျက်ဝန်းရဲ့
ထောင့်စွန်းနား မင်းဝိဥာဉ် ကို မွေးဖွားခဲ့တယ်
ကျလာမယ့် မျက်ရည်တွေက မင်းအတွက်လှပမယ့်
ညအိပ်မက်တွေကို အလိုတကျ ဖန်ဆင်ပေးဖို့ပေါ့…

အလင်းတွေကို ၀ါးမျိုစားသုံးရင်း အမှောင်တွေက ညနက်ထဲ ဆွဲခေါ်နေကြတယ်။

ကိုယ့်ရဲ့ မီးအိမ်လေး မီးစာကုန်ခမ်းသွားမှာ စိုးလှပါရဲ့.....။

ကိုယ့်နှလုံးသွေးတွေရဲ့ မီးစာဟာ မင်းဆီက အကြင်အနာတွေကနေ အသက်ဆက်နေခဲ့တာပါ...။

မင်းသာ ကိုယ့်ကို မချစ်တော့ရင်၊ မင်းသာ ကိုယ်ကိုထားသွားရင် ဆိုတဲ့ ပူပန်မှုတွေနဲ့ ကိုယ့်ရဲ့စိတ် တိုက်ခိုက်ခံရတိုင်း လေပွေဝှေ့ခံရသလို မီးစာလေးက လှုပ်ခတ် တုန်ရင်ရပြန်တယ်။

ကိုယ့်ကို မင်းရဲ့ ချစ်ခြင်းမေတ္တာတွေနဲ့ လုံခြုံနွေးထွေးပေးလှည့်ပါ။

ကိုယ့်ညခင်းတွေရဲ့ အလင်းကို ပြုစုပျိုးထောင်ပေးလှည့်ပါ။

မင်းနဲ့ မတွေ့ရတဲ့ နေ့ရက်တွေတိုင်းမှာ ကိုယ့်ရဲ့ ညနေခင်းတွေ သွေးပျက်စရာ ကောင်းလောက်အောင် ခြောက်ခြောက်ခြားခြား နိုင်လွန်းလှလေတယ်။

ဒီလိုနဲ့ အခါများစွာ ကိုယ်ဟာ ငိုကြွေးမိတတ်ပြန်ရော...။

ချစ်သူလေး၊ ကိုယ့်ဝိဥာဉ်ရဲ့ တစ်ခုတည်းသော အလင်းရောင်၊ ကိုယ့်ဘ၀ရဲ့ အရာခပ်သိမ်းဟာ မင်း....။

ဒီလိုနဲ့ ..... ကိုယ်ဟာ လင်းတလှည့် မှောင်တချီ...၊

ချစ်သူ....မင်း...ရဲ့ အိပ်မက်ရာသီတွေ လှပကြည်နူးစေဖို့ တေးတွေသီလို့....။

ဒါပေမယ့်….
ငါချစ်တဲ့ ငါ့ရင်ခွင်က တိမ်လေးတွေ ပျောက်ဆုံးသွားစေမယ့်
သီချင်းသံတွေနဲ့ ဝေးသွားစေမယ့်…
ညတွေ ရောက်မှာကိုတော့ မုန်းမိတယ်။။။။

တိမ်တွေက လေနှင်ရင် လွင့်ပါးသွားတတ်ကြတယ်။

တိမ်တွေက မိုင်းညှို့ အုံ့ဆိုင်းပြီးရင် မိုးအဖြစ်ရွာမချပဲ ပျောက်သွားတတ်ကြ ပြန်သေးတယ်။

တိမ်တွေက မဲမဲမှောင်မှောင်ဘ၀ကနေ မိုးရေစက်တွေ အသွင်ပြောင်းသွားပြီးရင်လဲ ကောင်းကင်ထဲမှာ သူ့အရိပ် အကျွင်းအကျန်လေးတောင် ခြေရာချန်ထားရစ်ဖို့ မေ့လျှော့ချင် မေ့လျှော့တတ်သေးတာ။

တိမ်တွေက အပြောင်းအလဲ မြန်တယ်။

တိမ်တွေက..... ......... .....

ဆယ့်နှစ်လုံးတန်း လမ်းမပေါ်က နှစ်ဆယ့်နှစ်ခုသော ညနေခင်းလေးတစ်ခုမှာ ကျွန်တော့်ရင်ဘတ်ထဲ အမှတ်တရ ရေးခြစ်ခဲ့တဲ့ တိမ်တိုက်လေးရေ....

ဘယ်လို လေပြင်းမုန်တိုင်း တိုက်တိုက် မင်း မလွင့်ပျယ်သွားပါနဲ့။

ပြိုမယောင် ညာသံပေးပြီးတော့မှလဲ မင်း ထွက်ပြေးမသွားပါနဲ့။

မင်း ငါ့ကို စွတ်စိုအောင် သည်းသည်းထန်ထန် ရွာချချင် ရွာချလိုက်ပါ။

ဒါပေမဲ့ ခြေရာလေးတွေတော့ မင်း မချန်ရစ်ခဲ့ပဲ ငါ့အပါးက စွန့်ခွာ မသွားပါနဲ့။

ပြောခဲ့ဖူးတာကိုပဲ အဖန်တလဲလဲ ကိုယ်... ပြန်ပြောပါရစေ။

မင်းအတွက်... ကိုယ်... အိပ်ယာဝင်တေးတွေ သီဆိုပေးပါရစေ...။

မင်းရဲ့ချစ်ခြင်းတွေ၊ မင်းကို ချစ်ခြင်းတွေနဲ့ ထွန်းညှိလင်းချင်းခဲ့တဲ့ ကိုယ့်ဝိညာဉ်အတွက် ကိုယ့်နှလုံးသွေးလောင်စာကို ဖြည့်တင်းပေးလှည့်ပါ......။

ဒီလိုနဲ့ ကိုယ်ဟာ ချစ်သူမရှိတဲ့ ညနေခင်းတွေ၊ ညတွေကို မုန်းတီးတတ်လာခဲ့တော့တယ်.....။

သေချာတယ်.....။

ကိုယ့်ဝိဥာဉ်ဟာ မင်းမရှိရင် အလင်းမဲ့စွာ ပျောက်ဆုံးရပြန်အုံးတော့မယ်။ ။

The hunger for love is much more difficult to remove than the hunger for bread.
(Mother Teresa)

______________________________________________________

ဒီပို့စ်လေးကို “ကျွန်တော့်ညနေခင်း ပန်းချီကားမှာ ရေးခြစ်ခဲ့သော အလင်းဖွဲ့ တိမ်တိုက်တစ်ခု”

ဆိုပြီး တင်ခဲ့ဖူးပါတယ်။ အဲတာလေးကို ပြန်တင်ချင်လို့ နဲနဲလေး ပြုပြင်ပြီး ဆားချက်ထားတာပါ။ မဖတ်ရသေးတဲ့ မိတ်ဆွေတွေအတွက်ကတော့ အသစ်ပေါ့။ မဖတ်ဖူးပြီးသူ မိတ်ဆွေများကလည်း နောက်တစ်ခေါက် ထပ်အားပေးသွားရင် ကျေနပ်ပါတယ်ဗျားးး။
ချစ်ညီလေး မျောက်မျောက် (ကျွန်တော့်အခေါ် မျောက်ငို) ရဲ့ ကဗျာလေးကို ခံစားရေးဖွဲ့ပေးထားတဲ့ စကားပြေလေး တစ်ပုဒ်ပါ။

မေတ္တာဖြင့်
မိုးကုတ်သား

သုခရိပ်မြုံ HIV ကူစက်ခံ မိဘမဲ့ကလေးများဂေဟာ အတွက် အလှူဒါနပွဲလေး

အလှူဒါနပွဲ အခမ်းအနားလေးအတွက်ဖိတ်စာလေးပါ။

သုခရိပ်မြုံ HIV ကူစက်ခံ မိဘမဲ့ကလေးများဂေဟာ အတွက် အလှူငွေကို ၁၁၊ ၀၂၊ ၂၀၁၀.. ကြာသပတေးနေ့ နံနက် ၁၀နာရီမှာ အလှူဒါနပွဲလေးတစ်ခု စီစဉ်ပြီး လွှဲပြောင်း ပေးအပ် လှူဒါန်းခဲ့တာ အောင်မြင်စွာ ပြီးဆုံး သွားခဲ့ပါပြီ။

အလှူဒါနပွဲလေးကို လျှပ်တပျက် ဂျာနယ်တိုက်မှာ ကျင်းပခဲ့တာပါ။

အလှူရှင်တွေ အားလုံးကိုယ်စား မကြီး မနော်ဟရီ က တာဝန်ယူ လွှဲပြောင်းပေးခဲ့တဲ့ ဒီ အလှူဒါနပွဲလေးကို ဦးမြတ်ခိုင်၊ ဦးမျိုး(ကြောင်နှစ်ကောင်)... လျှပ်တစ်ပျက်ဝိုင်းတော်သားတွေနဲ့ အားလုံးက ၀ိုင်းဝန်းကူညီပေးခဲ့ကြပါတယ်။

အလှူဒါနပွဲလေးကို စာနယ်ဇင်း အတော်များများကလဲ တက်ရောက်ခဲ့ကြောင်း သိရပါတယ်။

စင်ကာပူနိုင်ငံနဲ့ နိုင်ငံအရပ်ရပ်က စေတနာရှင် ၁၁၁ ဦးတို့ထံမှ စုစုပေါင်း မြန်မာကျပ်ငွေ ၄၇သိန်း တိတိကို ကောက်ခံရရှိခဲ့ပါတယ်။ (အလှူရှင်စာရင်းကို side bar မှာ တင်ထားပေးပါတယ်ခင်ဗျာ)။

အလှူအတွက် လွှဲပြောင်းပေးလိုက်တဲ့ ချက်လက်မှတ်ကလေးပါ။

ငွေရကြောင်းလက်ခံဖြတ်ပိုင်းလေးပါ။

သနားစရာကောင်းတဲ့ ခလေးငယ်လေးတွေအတွက် အခုလို စေတနာထက်သန်စွာ ဝိုင်းဝန်းလှူဒါန်းကြသော အလှူရှင်တွေ အားလုံးကို လှိုက်လှိုက်လှဲလှဲ ကျေးဇူးတင်ရှိပါတယ်။ (နောင်ကိုလဲ ဒီလို အလှူဒါနလေးတွေ ဝိုင်းဝန်း လုပ်ဆောင်ကြဖို့ရာမှာ ပါဝင်ကြမယ်လို့လဲ မျှော်လင့်ပါတယ်။)

ကျေးဇူးတင်မှတ်တမ်းလွှာလေးပါ။

ဒီ အလှူလေး ဖြစ်မြောက်ဖို့အတွက် စတင်စီစဉ်ခဲ့သူ အမ အိန္ဒြာ ၊ အလှူငွေ ဝိုင်းဝန်းကောက်ခံပေးခဲ့ကြသူ မိတ်ဆွေအပေါင်းအသင်းများ အားလုံးကိုလည်း အထူး ကျေးဇူးတင်ပါတယ် ခင်ဗျာ။

နောက်ပြီး နေမကောင်း၊ မအားလပ်တဲ့ကြားက အလှူဒါနပွဲလေးအတွက် စိတ်ရောလူရော အမောခံ စီစဉ်ပေးခဲ့တဲ့ မကြီး မနော်ဟရီ ကိုလည်း အထူး ကျေးဇူးတင်ရှိပါတယ် ခင်ဗျား။

အလှူဒါနပွဲလေး ဖြစ်မြောက်အောင် ဝိုင်းဝန်း ကူညီပေးခဲ့ကြသူတွေ အားလုံးကိုလဲ ကျေးဇူးအထူး တင်ရှိကြောင်းပါ....။

ဒီ အလှူဒါနပွဲလေး အကြောင်းကို အမ အိန္ဒြာ ဆီမှာ ၁၁ရက်နေ့ကတည်းက ပို့စ်တင်ထားတာ ဖတ်ပြီးသူတွေ ရှိကြမှာပါ။ ပိုပြီး စုံစုံလင်လင် သိချင်ကြတဲ့ မိတ်ဆွေများကိုလည်း အမ အိန္ဒြာ ရဲ့ဘလော့မှာ လည်ပတ် ဖတ်ရှုနိုင်ပါတယ်ခင်ဗျား...။

ကျေးဇူးတင်လျက်

မေတ္တာဖြင့်
မိုးကုတ်သား

မြစ်ကမ်း၊ တံတား၊ ထိုင်ခုံလေးနှင့် အထီးကျန် လူတစ်ယောက်

မနေ့ကမှ ချစ်သူတွေ ဖြစ်သွားကြတဲ့ စုံတွဲ အသစ်စက်စက် သူငယ်ချင်းနှစ်ယောက်နဲ့ ရထား အတူတူ စီးပြီး ပြန်လာမိတာကပဲ မှားလေသလား။ သူငယ်ချင်းစုံတွဲနှစ်ဦး.... ချစ်ကြည်နူးနေတာ မြင်နေရတုန်းကတော့ ကြည်နူးပီတိ ဖြစ်နေခဲ့တာ အသေအချာပါ။ ကိုယ့်အိမ် သူ့အိမ် ပြန်ဖို့လမ်းခွဲတဲ့အခါ တစ်ယောက်တည်း ဖြစ်သွားတော့မှ ဗြုန်းခနဲ အထီးကျန်တဲ့ စိတ်တွေက နိုးထလာခဲ့သည်။

“ ဟားးး....”

သက်ပြင်းမောကို ဖွဖွ တစ်ချက် မှုတ်ထုတ်ပစ်လိုက်ရင်း.... “မထူးဆန်းပါဘူး” လို့ ကိုယ့်ကိုယ်ကို နှစ်သိမ့်သော်လည်း ဒါဟာ ကိုယ့်ကိုယ်ကို လှည့်စားခြင်း ဆိုတာ ဘာသာ သိနေပြန်သည်။ ကိုယ့် စိတ်ကို ကိုယ် ဘယ်လိုပဲ အားတင်းထားပေမဲ့ ဒီလမ်းကို ဖြတ်လျှောက်တိုင်း ပိုလို့ လွမ်း... လွမ်းနေမိနေခဲ့တာ....။ အရင်ကလိုနင့်နင့်နဲနဲ မျက်ရည်ဝဲမတတ် မနာကျင်တတ်တော့သော်လည်း တစ်ခါတစ်လေမှာတော့ လွမ်းဆွတ်နေတတ်ပါသည်။
အထူးသဖြင့် အခုလို ညမျိုးတွေမှာပေါ့........။

ချစ်သူနဲ့အတူ ကြည်နူးစွာလျှောက်ခဲ့ဖူးသော လမ်းကလေးသည် ခုတော့ သိပ်ကို ခြောက်သွေ့ အထီးကျန်ဆန်လွန်းလှသည်။ တစ်ချိန်တစ်ခါက ချိုမြိန်ယစ်မူးခဲ့ဖူးသော သူမ၏ ချစ်ခြင်းတွေက မာယာတွေတဲ့လား...။ ခုချိန်ထိ ကျွန်တော် မယုံကြည်နိုင်ခဲ့သေး...။ ဘေးမှာ အတူရှိမနေနိုင်တော့သော သူမကို လွမ်းဆွတ်တမ်းတစွာဖြင့် ဒီလမ်းကလေးပေါ်မှာ သစ်ရွက်လေးတစ်ရွက်လို လွင့်မျောစိတ်တွေနှင့် တစ်ယောက်ထဲ ဖြတ်သန်းလာရသော ညတွေက ကြာရှည်နေခဲ့ပြီ။

တီတီတာတာ ပြောခဲ့သော စကားများ၊ ကျွန်တော့ရင်တစ်ခွင်လုံးကို သိမ်မွေ့သော ငလျင်တစ်ခု ဖန်ဆင်းပေးနိုင်သော အပြုံးများ..၊ ချိုချိုလွင်လွင် ရယ်သံများ.......၊ အရာရာအားလုံးသည် မိုးသားကောင်းကင်ထက်က တိမ်တိုက်များလို လွင့်မျောပျောက်ကွယ်လို့ သွားခဲ့ကြပြီ။
သူမထံမှ ယုယကြင်နာမှုများ၊ မြတ်နိုးမှုများ.. နောက်ပြီး အချစ်တွေ.... “ရူးမတတ် ချစ်ရပါတယ်” ဆိုလေခဲ့သော သူမ၏ အချစ်တွေလေ.... ဒါတွေကို သူမရင်ထဲမှာ ကျွန်တော် ပြန်လည်ရှာဖွေလို့ ဘယ်တော့မှ မရနိုင်တော့ဘူး..။ သေချာတယ်...။ သူမရင်ထဲမှာ ကျွန်တော် ဆိုတာ ရှိမနေတော့ဘူးးးး...။

ကျွန်တော် မြတ်နိုးစွာ... မက်မောခဲ့သော သူမ၏ အနမ်းများကို သတိရမိတော့ လူက လမ်းလျှောက်လို့မရအောင် ဒူးတွေ ခွေညွှတ်ကျချင်လာသည်။

သူမနှင့် အတူ ဖြတ်သန်းနေကျ တံတားလေးတစ်ခုကို လှမ်းမြင်နေရပြီ..။ အဲ့ဒီ တံတားလေးကို မဖြတ်ခင် မြစ်ကမ်း နံဘေးက ခုံတန်းလေးပေါ်မှာ အိမ်ပြန်ချင်စိတ် မပေါ်မချင်း ကျွန်တော်တို့နှစ်ယောက် အမြဲထိုင်ခဲ့ကြဖူးသည်။ ထိုခုံတန်းလေးရှိရာသို့ ကျွန်တော့်ကိုယ် ကျွန်တော် ဇွတ်အတင်း ဆွဲခေါ်သွားရင်း ခုံလေးနားရောက်တော့ လူက အရုပ်ကျိုးပြတ်....။
မြစ်ပြင်ကို ဖြတ်တိုက်လာသော လေနုအေးကလည်း အရင်လို ကျွန်တော့်စိတ်တွေကို လန်းဆန်းနိုင်ဖို့ မစွမ်းနိုင်တော့...။
ဒီခုံကလေးပေါ်မှာပေါ့.. သူမနဲ့ ကျွန်တော်တို့ရဲ့ ညချမ်းတွေကို အေးအေးလူလူ၊ နောက်ပြီး ပျော်ပျော်ရွှင်ရွှင် အတူထိုင်ပြီး စကားတွေ ဖောင်ဖွဲ့ခဲ့ကြတာ။
ဒီခုံကလေးပေါ်မှာပေါ့။ ကျွန်တော့်ပခုံးပေါ် ခေါင်းမှီနေတတ်တဲ့....၊ ကျွန်တော့် ပေါင်ပေါ် ခေါင်းတင်ရင်း မှေးစက်နေခဲ့ဖူးတဲ့...... သူမရဲ့ နဖူး၊ သူမရဲ့ပါးပြင် တွေကို ကျွန်တော် မြတ်မြတ်နိုးနိုး.. ညင်သာဖွဖွ နမ်းရှိုက်ခဲ့ဖူးတာ။ တခါတရံမှာ နှုတ်ခမ်းလေးတွေဆီ အနမ်းတွေ နယ်ကျွံမိရင်တော့ “ကိုကိုနော်၊ လူမြင်ကွင်းမှာ သိပ်ကဲမနေနဲ့” ဟု သူမက စိတ်ဆိုးတတ်သေးသည်...။ ထိုအခါတိုင်း ကျွန်တော်က သူမ၏ ဆံပင်လေးတွေကို ဆွဲဖွကာ “ကိုယ့်ချစ်သူ ကိုယ်နမ်းတာပဲကွာ၊ နောက်ပြီး ဒီအချိန်ကြီး ဘယ်သူမှ ဒီနားလာ လမ်းမလျှောက်ဘူး” လို့ ဆင်ခြေပေးလျှင်တော့ ကျွန်တော့်ကို အမြဲ အရည်ဖျော်ချတတ်သော မျက်စောင်းလှလှကို စူတူတူနှုတ်ခမ်းနှင့် အတူ သူမက ပေးလေသည်။

“အသည်းယားအောင် မလုပ်နဲ့”

အဲဒီလို ကျွန်တော်က အံကြိတ်ကာ ပြောလျှင်တော့ သူမက မျက်နှာကို လက်ဖဝါးနှစ်ဘက်နှင့် အုပ်ကာ သဘောကျစွာ ရယ်တတ်ပါသည်။

သူမ၏ ရယ်သံလွင်လွင်ကိုပါ ဖြတ်ခနဲ ပြန်ကြားမိတော့မှ မှိတ်ထားသော မျက်လုံးအစုံကို ကပျာကယာ ဖွင့်ကြည့်မိတော့ အနီးအနားမှာ ဘယ်သူမျှ မရှိ..။

ကျွန်တော်တစ်ယောက်တည်းသာ...။

“ ဟားးး....”

ခေါင်းကို နောက်သို့ လှန်ချပစ်လိုက်ရင်း သူမထံပါး စီးမျောသွားသော စိတ်တွေကို ကသောကမျော လိုက်သိမ်းဖို့ ကျွန်တော် ကြိုးစားမိသည်။

လွမ်းတယ် ကောင်မလေး... ရယ်.......။ အရာရာ ယုံကြည်ထားမိခဲ့သမျှ နှလုံးသားတွေ တဖဲ့ဖဲ့ကြွေအောင် တမင်လုပ်ရက်ခဲ့လေသလား...။ ခုတော့ တစ်ယောက်တည်း အထီးကျန် ဝေဒနာကို ကြိတ်မှိတ် ခံစားရင်း အလွမ်းတွေသာ ကိုယ့်အဖော် ဖြစ်နေခဲ့ပေါ့။

နှလုံးသား ဒဏ်ရာကို အစားထိုးတစ်ခုနဲ့ရော ဖြေသိမ့်နိုင်မတဲ့လား.....။
နားထောင်ဖြစ်တဲ့ သီချင်းတွေတိုင်းမှာ သူမက ပါနေသည်။ ဖတ်နေမိတဲ့ ကဗျာတွေ၊ စာတွေထဲမှာလဲ သူမကို တွေ့နေရပြန်သည်။ စာတွေရေးဖြစ်ရင်လဲ သူမ အကြောင်းတွေပဲ။ အလုပ် လုပ်နေလဲ သူမပုံရိပ်တွေက တဝဲလည်လည်..။ စားလဲ ဒီစိတ်၊ သွားလဲ ဒီစိတ်... ဒီလိုနဲ့ လူလဲ တစ်ဖြည်းဖြည်း လုံးပါးပါးတော့မယ် ထင်ရဲ့။
စိတ်တွေက ထိန်းချုပ်လေ.. ပိုတင်းကျပ်လာလေ........။

နာကျည်းပစ်လိုက်စမ်း...၊ မေ့ပစ်လိုက်စမ်း... ဘယ်လိုပဲ စိတ်အားတင်းတင်း... တစ်ချိန်က သူမရဲ့ ချစ်ခြင်းတွေကိုသာ တမ်းတလွမ်းမောလို့..။ သူမရဲ့ ပုံရိပ်တွေထဲမှာ ကျွန်တော့် အသိအာရုံတွေ အတုံးအရုံး ကျဆုံးလို့...။ ကျွန်တော့်စိတ်ဝိဥာဉ်ဟာလဲ ကြွေကျသွားတဲ့ သစ်ရွက်တစ်ရွက်လို သူမရှိရာ အတိတ်တွေထဲသာ လွင့်မျောနေတော့တယ်။ ဒီလမ်းလေးထဲကို ဖြတ်သန်းလာရတိုင်း........၊ ဒီခုံတန်းလေးမှာ ထိုင်နေမိတိုင်း.... အရင်လို နှစ်ကိုယ်တူ ချစ်ခဲ့တဲ့ စိတ်တွေကို ပြန်ပြန်လွမ်းကာ ဖြေ မပြေသာနိုင်ခဲ့....။

“ ဟားးး....”

နှလုံးသား တစ်ခုလုံး မောဟိုက်ပင်ပန်းလွန်းလှတယ်။ စိုစွတ်စ ပြုလာတဲ့ ဒီမျက်ဝန်းတွေကိုသာ ကျွန်တော် တူးတူးခါးခါး နာကျည်းနေပေမဲ့ တိတ်တဆိတ် စွန့်ခွာသွားခဲ့သော သူမကိုတော့ ကျွန်တော် မနာကျည်းနိုင်ပါ။

ခုတော့ အလွမ်းတွေမစဲ.. တစ်ယောက်တည်း... တစ်ကယ်ကို တစ်ယောက်တည်း.......

“အရင်လို ချစ်တဲ့စိတ်တွေကို လွမ်းတယ်........”

_______________________________________________

ဝန်ခံချက်။ ။ “ဇော်ဝင်းထွဋ်” ရဲ့ “အထီးကျန်” ဆိုတဲ့ သီချင်းလေးကို ခံစား ရေးဖွဲ့ထားခြင်း ဖြစ်ပါသည်။ MP3 ကို ဒီမှာ 01 A Htee Kyan.mp3 သွားနားထောင်လို့ ရသလို အောက်မှာလဲ ဖွင့်ပြီး နားဆင်လို့ ရပါတယ်ခင်ဗျာ။

Get this widget | Track details | eSnips Social DNA

မေတ္တာဖြင့်
မိုးကုတ်သား

မမဝါ မေးတဲ့ နောင်လာမယ့် ၅ နှစ်

နောင်လာမယ့် ၅ နှစ်မှာ....

၁။ ဘာအလုပ်လုပ်ဖို့ ရည်ရွယ်ထားပါသလဲ......

မမ၀ါက မေးလာပါတယ်။

ကျွန်တော်က အင်မတန်မှ အလုပ် လုပ်ဖို့ ပျင်းသူတစ်ယောက် ဖြစ်လေတော့ ငယ်ကတည်းက ကျွန်တော် သိပ်လုပ်ချင်တဲ့ အလုပ်ဆိုတာ ရှားရှားပါးပါး တစ်ခု၊နှစ်ခုလောက်ပဲ ရှိခဲ့ပါတယ်။ အဲတာကတော့ ခြံစိုက်ခြင်းပါ။ ပထမကတော့ ကော်ဖီကြိုက်တတ်တဲ့ ကျွန်တော် ကော်ဖီခြံလေး တစ်ခြံ ပိုင်ဖို့ အင်မတန် ဆန္ဒရှိပါတယ်။ ဒုတိယကတော့ လ္ဘက်ခြံပါ။ ကျွန်တော်တို့ မိုးကုတ်မြို့လေးမှာ လ္ဘက် စိုက်ပျိုးခြင်းဟာလည်း အရေးပါတဲ့ စီးပွားရေး ဈေးကွက်တစ်ခု ဖြစ်ပါတယ်။ လ္ဘက် ခူးချိန် နဲ့ ကျောင်းပိတ်ရက် ကြုံတိုင်း သူငယ်ချင်းတွေ စုပြီး လ္ဘက်ခြံ တစ်ခြံခြံမှာ လ္ဘက် လိုက်ခူးကြ၊ ရိုးရာ ပေါင်းဖိုကြီးတွေနဲ့ ပေါင်းတန်ပေါင်း၊ စိုတန်စို၊ ခြောက်တန်ခြောက်...... လ္ဘက်ခြံထဲမှာ သိပ်ကို ပျော်ခဲ့ရဖူးပါတယ်။ နောက်ပြီးတော့ ကျွန်တော့် ခြံလေးထဲမှာ ရာသီစာ သီးပင်၊ စားပင်လေးတွေနဲ့ ဥယျာဉ်လေးတစ်ခု (တစ်ချိန်မှာများ နိုင်ငံခြားခရီးသွားလာရေး လုပ်ငန်းတွေ မြန်မာပြည်မှာ စည်ပင်တိုးတက်လာတဲ့အခါကျ... ) ကျွန်တော်တို့ မိုးကုတ်မြို့ကလေးရဲ့ သဘာဝ ရှုခင်းအလှတွေကို လာရောက် ခံစားကြတဲ့အခါ ကျွန်တော့် ဥယျာဉ်ခြံလေးဟာ ရိုးရာလဲမပျက်၊ ခောတ်နဲ့လဲ ညီတဲ့ Tourist Attraction နေရာလေး တစ်ခု ဖြစ်အောင် ကြိုးစား ဖန်တီးချင်ပါတယ်။

နောက်ပြီး ခြံထွက်သီးနှံတွေနဲ့ အတူ သဘာဝ အသီးဖျော်ရည် အအေးစုံနဲ့ ခြံထွက် ကော်ဖီမှုန့် လက်ရွေးစင်ကို သီးသန့် သုံးထားတဲ့ ကော်ဖီဆိုင်လေး တစ်ဆိုင်ကိုလည်း တွဲဖက် ဖွင့်ထားချင်ပါသေးတယ်။ အဲဒီ ဆိုင်ကလေးဟာ ငြိမ်းချမ်းအေးဆေးတဲ့ ပတ်ဝန်းကျင်နဲ့ ခြံ ရှုခင်းအလှကို ခံစားရင်း ကော်ဖီတစ်ခွက်၊ အအေးတစ်ခွက်ကို စိတ်ကြည်နူးကျေနပ်စွာ အပန်းဖြေ အနားယူနိုင်တဲ့ နေရာလေး တစ်ခု ဖြစ်စေရမှာပေါ့။

နောက်တစ်ခုကတော့ ကျွန်တော် မြတ်နိုးလွန်း၊ ၀ါသနာ ပါလွန်းလို့ ဆည်းပူး လေ့လာခဲ့တဲ့ ဗိသုကာပညာရပ်ပါ။ ဗိသုကာ ပညာရပ်ကို လိုက်စားလေ၊ ပိုပြီး တန်ဖိုးထားမိလေပါပဲ။ အင်မတန်မှ နက်နဲ ကျယ်ဝန်းသလို စိတ်လဲ အင်မတန် ကြည်စင် ငြိမ်းချမ်းစေတဲ့ အလုပ်တစ်ခုပါ။ ကိုယ်ရည်မှန်းထားတဲ့ ဘ၀လေး တစ်ခုကို အစပျိုးမိပြီ ဆိုတာနဲ့ ဗိသုကာပညာရပ်နဲ့ ဖန်တီးထားတဲ့ လူနေအိမ်ပုံစံလေးတွေကို အေးအေးဆေးဆေး စိတ်ကူးယဉ် ပုံဖော်ပြီး ဆောက်ပေးချင်ပါတယ်။ ကမ္ဘာကျော် ဗိသုကာပညာရှင် ဖြစ်ဖို့ အစတည်းက မမျှော်မှန်းခဲ့ပေမဲ့ ကိုယ် ဒီဇိုင်းဖန်တီးပေးထားတဲ့ အဆောက်အဦးကို အသုံးချတဲ့သူတွေ အားလုံး အဆင်ပြေပျော်ရွှင်နေကြရင် ကျေနပ်ပါပြီ။


၂။ မိမိရဲ့စိတ်ကူးထဲက အိမ်ထောင်ဖက် (သို့)စိတ်ကူးထဲက အိမ်ထောင်ရေး .....


ဒီမေးခွန်းကတော့ အသက်သုံးဆယ်ကျော် လူပျိုသိုးကြီးအတွက် ဖြေရ အတော်ခက်တဲ့ မေးခွန်းပါ။

ငယ်ငယ်ကတော့

၁။ စိတ်ထားဖြူစင် ရိုးသားရမယ် (ထွေလီကာလီ၊ မူယာမာယာတွေ မရှိတဲ့ စိတ်ရှင်းရှင်း မိန်းခလေးမျိုးပေါ့)
၂။ ဗုဒ္ဒဘာသာကို ကိုင်းရှိုင်းရိုသေသူ ဖြစ်ရမယ် (တရားသိရုံနဲ့ မရ၊ တရားရှိသူလဲ ဖြစ်ရမယ်)
၃။ ဆံပင်ရှည်ရမယ် (ဆံပင်ရှည်ကို မပေမရှုပ်၊ မနံစော်အောင်ထိန်းသိမ်းနိုင်သူလဲ ဖြစ်ရမယ်)
၎။ အရပ်မြင့်ရမယ် (ကျွန်တော့်နားရွက်ထိ မှီတဲ့အရပ်လောက်ဆို ရပြီ)
၅။ အသားဖြူရမယ် (ငယ်ကတည်းက အသားမဲတဲ့သူများဆို အနားကို အကပ်မခံတာ.. ငယ်ကျင့်မပျောက်တာ ခက်တယ်.. :-P )
၆။အချောအလှထိပ်ခေါင် ဖြစ်စရာမလိုပေမဲ့ ချောတော့ ချောရမယ် (မချောရင် ကျွန်တော်နဲ့ တွဲသွားတဲ့အခါ ကျွန်တော်ချည်းပဲ ထင်ရှားနေမှာပေါ့ :-P )

နောက် အချက်အချက်တွေ အများကြီး ကျန်သေးတယ်.. မမှတ်မိတော့ပါဘူးး။ (မှတ်မိလို့ ဆက်ရေးရင်လဲ အဆဲခံရတော့မယ်။ အခု အချက် ခြောက်ချက်နဲ့တင် အမြင်ကတ်ခံနေရလောက်ပီ...။)
အဲဒီလို စိတ်ကူး ယဉ်ခဲ့ဖူးပါတယ်။

စိတ်ကူးတွေဟာ အသက်အရွယ်အလိုက်ပဲ ပြောင်းလဲသွားသလားး။

ဒီခု အချိန်မှာတော့ အဲဒီ စံတွေ ဘာမှ မရှိတော့ပဲ ကျွန်တော့် နှလုံးသားက ဘာသာဗေဒနဲ့ သူ့နှလုံးသားက ဘာသာဗေဒ သဘောတူညီမျှဖို့နဲ့ တစ်ဦးကိုတစ်ဦး နားလည်နိုင်ကြဖို့ပဲ စိတ်ထဲ ကျန်ပါတော့တယ်။

ငယ်ငယ်ကတော့အချစ်မှာ အချစ်တစ်ခုတည်းရှိနေရုံနဲ့ ခိုင်မြဲပြီ လို့ ယုံကြည်ခဲ့ဖူးပေမဲ့ အချစ်ရဲ့ နောက်ဆက်တွဲ ကိစ္စတွေက အတော်လေး ရှုပ်ထွေးပါလား ဆိုတဲ့ အတွေးတစ်ခုက (အဲလိုတွေးမိတာ ကျွန်တော် ညံ့လို့ပဲ နေမှာပါ) ၀င်နေပေမဲ့ အချစ်စစ်ကိုတော့ တန်ဖိုးထားတတ်ဆဲပါ။

ခုလောလောဆယ်မှာတော့ ချစ်သူနဲ့ အိမ်ထောင်ဘက်ကို တစ်ယောက်တည်းပဲ ဖြစ်စေချင်ဆဲ။ (ဒါပေသည့် ကုသိုလ်ကြမ္မာ မမှီပါခဲ့ ပေါ့ဗျာ) ။ နောင်လာမည့် ငါးနှစ်ထိ ဒီ မိုးကုတ်သားဟာ ဘ၀ပင်လယ်ကြီး ဘယ်သောင်ဘယ်ကမ်းမှာ ဆိုက်ကပ် ရပ်နားမလဲ.... ကိုယ်တိုင်တောင်...... မသိနိုင်သေးတဲ့အတွက်.....


မမဝါ တို့လို အောင်မြင်တဲ့ အိမ်ထောင်ရေးတွေကို အားကျနေရုံကလွဲပြီး............


ကဲ.. မမဝါရေ....
ဒီလောက်နဲ့ပဲ ကျေနပ်ပါ လို့......

မေတ္တာဖြင့်
မိုးကုတ်သား

ညီမလေး လိမ္မော်ချစ်သူ ရဲ့ ကဗျာလေးတွေ

မျောပါခြင်း

မနက်.....
နိုးလာတယ်
အိပ်ရေးတော့မဝဘူး
သွားတယ်...လာတယ်
လူတွေ လူတွေ
တိုးတိုး ကြိတ်ကြိတ်ပါပဲ
စက်ရုံထဲဝင်ဖို့ တန်းစီနေသလိုမျိုးပေါ့။

နေ့လည်....
စားပါတယ်
ဆန္ဒတော့ သိပ်မပါဘူး
ကိုယ့်အကြိုက် ကိုယ့်စရိုက်မဟုတ်ပေမယ့်
လူတွေ လူတွေ
တိုးတိုး ကြိတ်ကြိတ်ပါပဲ
ဒီအချိန်မှာပဲ အပြီးစားရမှာကိုး။

ညနေ......
ပြန်ဖို့ဟန်ပြင်တယ်
ပျော်ပျော်ရွှင်ရွှင်ပေါ့
ကိုယ့်အိမ်လို မနွေးထွေးပေမယ့်
ဒါဟာလက်ရှိ ကိုယ့်အိမ်မို့
ဒီကိုပဲ ပြန်ရဦးမယ်
လူတွေ လူတွေ
တိုးတိုး ကြိတ်ကြိတ်ပါပဲ
အသိုက်အမြုံဆီ ပြန်နေကြပါပေါ့။

သြော်.....ဒီလိုနဲ့ပဲ
ရက်တွေလပြောင်း
လတွေနှစ်ပြောင်းလို့
ရာသီဘယ်နှစ်ခု ပြောင်းခဲ့ပြီလဲ
ငါ့မှာတော့ အသားမကျနိုင်ခဲ့။

ဟိုစဉ် အတိတ်ဘဝ
ပြန်ကာ ရလေမလားရယ်လို့
မျှော်လဲ မျှော်မိပါရဲ့။
လက်တစ်ဆုပ်စာ
ကျွန်းပိစိလေးမှာ
စက်ရုပ် တစ်ရုပ်ပမာ
ဒါဟာ ငါပဲပေါ့။

အများသူငှာလဲ
ဒီလို ပါပဲရယ်လို့
ရသေ့စိတ်ဖြေ
ငါ.....ကြိတ်မှိတ်နေရတယ်။

ကိုယ့်ဘဝကိုယ်ကျောင်း
ကိုယ့်လမ်းကိုယ်ဖောက်လို့
ကိုယ့်အိပ်မက်ကိုယ်မက်လို့
ဆန္ဒစိတ်ကူး
အရူးအမူးဖြစ်ခဲ့လဲ
တစ်ခါတစ်ရံမှာ ဒဏ်ရာရ
ငါ.......မှားခဲ့လေပြီလားကွယ်.....။ ။

လိမ္မော်ချစ်သူ

ရီမောခြင်း
အလွမ်း အဆွေးတွေနဲ့
ငါ့နှလုံးသားက
တစ်ဖြည်းဖြည်း ပါးပါးလာတယ်။ ။
မျှော်လင့်ခြင်း အလင်းရောင်နဲ့
အရုဏ်ဦး မနက်ခင်းတွေလဲ
တစ်ဖြည်းဖြည်း မှေးမှိန်။ ။
နေဝင်ရီ တစ်ရော
ညနေခင်း အလင်းတွေလဲ
အိပ်မက်လှလှတွေ မဖန်ဆင်းနိုင်ခဲ့။ ။
အပြောလွယ်သလောက်
လုပ်ရခက်တဲ့
"နားလည်ခြင်း" ဆိုတဲ့
ဝေါဟာရ တစ်ခုဟာ
ငါ့နှလုံးသားကို ဝါးမြို
ငါ့သွေးသားထဲ စိမ့်ဝင်လုို့
လှပစွာ......ငါ.....ပြုံးတတ်ခဲ့ပြီလေ။ ။

လိမ္မော်ချစ်သူ

ဝေး

စွယ်တော်တစ်ခက်နဲ့
အလွမ်းမပျက်ခဲ့တဲ့
ပန်းတစ်ပွင့်.......ငါ
နွေဦးတေးသီတဲ့
ဥသြလေးတွေက
လှောင်ပြောင် နေကြပြီလား? ။

စွယ်တော်တစ်ခက်နဲ့
ဘဝင်မှာ မက်စေတဲ့
ငါ့လမင်းလေး.....မင်း
ပူပူဆွေးဆွေး
အတွေးအေးအေးနဲ့
အနေဝေးဝေး ဖြစ်ခဲ့ကြပြီလေ။

စွယ်တော်တစ်ခက်နဲ့
ဘဝ အဆက်ဆက်
မခွဲတစ်သက်လို့
တူတူဟစ်ကြွေး
ချစ်တေးတွေသီခဲ့လည်း......
ကံကြမ္မာရယ်
မ , ဖန်လာတော့
ငါတို့တွေ........ဝေးဝေး.....ဝေးခဲ့ပြီပေါ့ကွယ်။ ။

လိမ္မော်ချစ်သူ

ကျွန်တော့် ညီမလေး လိမ္မော်ချစ်သူ အတွက် သူရေးထားတဲ့ ကဗျာလေးတွေ အမှတ်တရ တင်လိုက်ပါတယ်။ အသစ် တင်စရာမရှိတော့ ဆားချက်ခြင်း တစ်မျိုးပေါ့.....။ :-P

(“ဓာတ်ပုံ” လေးတွေက အင်တာနက်က ရှာပီး သိမ်းထားတာတွေပါ။ လင့်ခ်တွေ မှတ်ဖို့ မေ့သွားတဲ့အတွက် ခရက်ဒစ် မပေးနိုင်တော့ပါဘူး။)

မေတ္တာဖြင့်
မိုးကုတ်သား

မြတ်နိုးခြင်း သစ်ပင်

(Photo Credit to : thepeepmeister)

အခန်းလေးက လိုအပ်တာထက် ပိုမို မှောင်လဲ့နေလေသလား။ ကျွန်တော့် အာရုံတွေကပဲေ၀၀ါးနေလေသလား။ မသေချာပါ။ အချိန်က ညနေ နေ၀င်ရီတရောလား၊ မှောင်စပြုနေပြီလား။ ဟင့်အင်း.. ကျွန်တော် မမှတ်မိချင်တော့ဘူး။ ခုချိန်မှာ ကျွန်တော် ရှာဖွေနေတာက ဒီအခန်းလေးထဲမှာ ကျွန်တော်နှင့်အတူ အမြဲ ရှိနေခဲ့သော သစ်ပင်လေးသာ ဖြစ်သည်။

ထိုသစ်ပင်လေးကို ဒီအခန်းထဲ ပြောင်းရွှေ့လာကာစကရင်း ကျွန်တော် စိုက်ပျိုးထားခဲ့သည်။ မနက်ခင်း အလုပ်မသွားခင်မှာ ကျွန်တော်က “ကောင်းသော နံနက်ခင်းပါ” လို့ ထိုသစ်ပင်လေးကို အမြဲ နှုတ်ဆက်တတ်သည်။ ညနေ အခန်းထဲသို့ ကျွန်တော် ပြန်ရောက်လျှင်လည်း ထိုသစ်ပင်လေး၏ အရွက်တွေ ၀ါကျင်နေသလား၊ ရေလိုသလား..။ အမြဲ ဂရုစိုက် ကြည့်တတ်ပါသည်။
တစ်နေ့တစ်ခြား ရှင်သန်လှပလာသော ထို သစ်ပင်လေးကို အမြတ်တနိုး စောင့်ကြည့် ကြည်နူးရသည့် အရသာကို ကျွန်တော် စာဖွဲ့ မပြတတ်ပါ။ ခိုင်းနှိုင်းစရာတွေ အပုံအပင်ရှိသော်လည်း ကြည်နူးရိပ်ကိုမျှ မှီအောင် မညွှန်းနိုင်မှန်း ကျွန်တော် ဆိုပါက “ သစ်ပင်လေးတစ်ပင် စိုက်တာများကွာ၊ ဘာများ ကြီးကျယ်တာ ကျလို့ ” ဟု လှောင်ကြပါလိမ့်မည်။

သို့သော် ကိုယ်တွယ်တာ ချစ်ခင်သော၊ သံယောဇဉ်ငြိတွယ်သော၊ မြတ်နိုးတန်ဖိုးထားစွာ စောင့်ရှောက်နေသော သစ်ပင်လေးတစ်ပင် ကျန်းမာသန်စွမ်းစွာ ရှင်သန်လှပနေတာ မြင်ရတိုင်း စိတ်ချမ်းသာမှုတစ်ခုကို ကျွန်တော် ရသည်။ တစ်ယောက်တည်း အထီးကျန်မှုတွေလည်း သက်သာရာ ရကြောင်း ၀န်ခံပါသည်။

ကျွန်တော်၏ တစ်ကိုယ်ရည် သွေ့ခြောက်မှုများကို ထိုသစ်ပင်လေး၏ စိမ်းစိုမှုတို့က ဖြေဖျောက်ပေးခဲ့သည်။ ကျွန်တော်၏ စိတ်ဖိစီးမှုများ၊ ပင်ပန်းမှုများကို ထိုသစ်ပင်လေး၏ နူးညံ့သော ရနံ့တစ်မျိုးက လန်းဆတ်ငြိမ်သက်စေခဲ့သည်။ ကျွန်တော် အထီးကျန်လာတိုင်း ထိုသစ်ပင်လေးက ကျွန်တော် ရင်ဖွင့်သမျှ နားထောင်ပေးခဲ့သလို သူ၏ သစ်ရွက်လေးတွေကို ရေဆေးသန့်စင်ပေးရင်း ယုယစွာ ကျွန်တော် နမ်းမွှေးလိုက်တိုင်းလဲ မငြင်းဆန်တတ်ခဲ့ပါ။ ရုံးပိတ်ရက်တွေမှာ (တစ်ခါတစ်ရံ) သူလိုအပ်မည်ထင်သည့် အလင်းကို ထိတွေ့ခွင့် ပေးထားရင်း၊ နေရောင်အောက်မှာ ကြည်မြသော အရွက်စိမ်းလေးများ တောက်ပနေတာ ထိုင်ကြည့်နေရင်းလဲ ကျွန်တော်က စိတ်ကြည်နူးတတ်ပြန်သေးသည်။ နူးညံ့လှပသလောက် ထိခိုက်ပွန်းရှလွယ်သော ထိုသစ်ပင်ကလေးကို တန်ဖိုးထားလွန်းစွာ အရိပ်တကြည့်ကြည့် စောင့်ရှောက်နေရခြင်းကပင် ကျွန်တော့်အတွက် အနုပညာတစ်ခု ဖြစ်နေခဲ့လေသည်လား...။

ထိုသစ်ပင်ကလေးနှင့် ကျွန်တော်၏ ငြိတွယ်မှု သံယောဇဉ် မည်မျှ ခိုင်မြဲနေသည်လည်း သေသေချာချာ သိရချိန်မှာတော့ အရာရာသည် နောက်ကျသွားခဲ့ပြီ။ ဆယ်ရက်တာမျှ ကြာသော ခရီးတစ်ခုကို ကျွန်တော် ထွက်သွားတော့ သစ်ပင်လေးကို စောင့်ရှောက်ဖို့ အတူနေ သူငယ်ချင်းတွေဆီ ကျွန်တော် အပ်မထားခဲ့မိ။ သူ့အတွက် ဆယ်ရက်စာ လိုအပ်မည့် ရေပမာဏကို သစ်ပင်လေး၏ အမြစ်တွေ ရေ မြှုပ်သည် အထိ လောင်းထားပေးခဲ့သည်။

ခရီးကနေ ပြန်ရောက်လာတော့ အခန်းထဲ ၀င်ဝင်ချင်း ကျွန်တော် ပြေးကြည့်မိသည်က ထို သစ်ပင်လေးဆီသို့။ ၀ါကျင်စ ပြုနေသော အရွက်တစ်ချို့ကို တယုတယ ကျွန်တော် ချွေချပေးရင်း သစ်ပင်လေး၏ ရွက်သစ်လေးတွေ အရင်လို စိမ်းမြ စိုလက်မနေတော့တာ သတိထားမိသည်။ သို့သော် ကျွန်တော် ပြန်ပြီး ဂရုစိုက်လျှင် အရင်လို စိမ်းစိုလန်းဆန်းလာမည်ဟုသာ ထင်ခဲ့မိလေသည်။

ခရီးကနေ ပြန်ရောက်ကတည်းက အပင်လေးကို ကျွန်တော် တသသ စောင့်ကြည့် ယုယခဲ့သည်။ နေရောင်ကို သေချာပြသည်။ ရေထည့်ပေးထားခဲ့တာ များသွားသောကြောင့် ဆွေးရိသွားသော အမြစ်တွေနှင့်ရိုးတံတစ်ချို့ကို သေချာဖယ်ထုတ်လိုက်သည်။ သို့သော် သစ်ပင်လေး၏ သစ်ရွက်တွေက တစ်နေ့ထက်တစ်နေ့ ၀ါလို့သာ လာတော့သည်။ သူ၏ ပင်စည်သည်လည်း အရင်လို မကြံ့ခိုင်တော့။ လုံးဝ ခြောက်သွေ့သွားသော ရွက်ဝါတစ်ချို့ကို ဖယ်ရှားတိုင်း ပင်စည်လေး မထိခိုက်မိစေရန် ကျွန်တော် အတော်လေး ဂရုစိုက်ကာ ခြွေရလေသည်။

တစ်နေ့ထက်တစ်နေ့ ခြောက်သွေ့လာသော သစ်ပင်လေးကို ထိုင်ကြည့်ရင်း၊ ရွက်နုစိမ်းတွေ စည်ဝေမလာနိုင်တော့တာမှန်း သိရက်နှင့် အရွက်သစ်လေးတွေ ထွက်လာမလား မျှော်လင့်ရင်း ၊တစ်နေ့တစ်ခြား ၀မ်းနည်းစိတ်တွေကသာ ပို တိုးလို့ လာ၏။ ၀ါကျင်ညှိုးခြောက်သွားသော သစ်ရွက်လေးတွေကို ဖဲ့ချွေရတိုင်း ကျွန်တော့်ရင်မှာ နာကျင်လွန်းလှသည်။ သစ်ပင်လေး ပြန် မရှင်သန်လာတော့ဘူးလား။ ကျွန်တော် သူ့ကို ဘယ်လိုမှ မကယ်တင်နိုင်တော့ဘူးလား။ တစ်နေ့တစ်ခြား ခြောက်သွေ့သေဆုံးသွားတော့မယ့် ထိုသစ်ပင်လေးကို ကျွန်တော် ဘယ်လိုစိတ်နဲ့ ကြည့်နေနိုင်ရမှာပါလိမ့်။

“ ဖြစ်ချိန်တန်ဖြစ်၊ ပျက်ချိန်တန်ပျက် ” လို့ ဘယ်လိုပင် တရားချချ၊ နှလုံးသားထဲက တစ်ဆစ်ဆစ် ကိုက်ခဲနေသော ဝေဒနာကို ဘယ်လိုမှ ဖြေသာမရနိုင်တော့။

“ ရေတွေ အများကြီး မလောင်းထားခဲ့ရင် သစ်ပင်လေး ခုလို သေရမှာမဟုတ်ဘူး ”

“ သူငယ်ချင်းတစ်ယောက်ဆီမှာ အပ်ထားခဲ့မိရင် သူ ရှင်သန်ခွင့်ရချင်ရနေအုံးမှာ ”

နောင်တတွေ တပွေ့တပိုက်နှင့် ကျွန်တော့်ကိုယ် ကျွန်တော် ခွင့်မလွှတ်နိုင် ဖြစ်ရသော်လည်း သစ်ပင်လေးကတော့ ပြန်လည် စိမ်းစိုလန်းဆန်း မလာတော့ပါ။ သူ သွေ့ခြောက်သေဆုံးသွားရခြင်းသည် ကျွန်တော့် အပြစ် လုံးလုံးလျားလျားသာ ဖြစ်၏။ ထိုအသိက ကျွန်တော့်ရင်ကို အစိတ်စိတ်အမွှာမွှာ ကွဲကြေစေခဲ့ပြီ။ အရာရာသည် တစ်က ပြန်စလို့မရတော့။ အားလုံးပြီးခဲ့ပြီ။ ကျွန်တော် ပြုစုစောင့်ရှောက်ချင်သော၊ မြတ်နိုးတွယ်တာသော၊ နောက်ပြီး ချစ်သော ထိုသစ်ပင်လေး တဖြည်းဖြည်း သေဆုံးသွားတာကို ဘာမှမတတ်နိုင်ပဲ ထိုင်ကြည့်နေရသော အဖြစ်လောက် ကြေကွဲစရာကောင်းတာမျိုး ကျွန်တော် တစ်ခါမျှ မခံစားဖူးခဲ့မှန်း သစ်ပင်လေး သိနိုင်မည်မဟုတ်ပါ။ ဆယ်ရက်တာမျှ သူ့ကို ဂရုမစိုက်ပဲ ပျောက်သွားခဲ့လေသော ကျွန်တော့်ကိုများ.. သူ.. နာကျည်းနေလေမည်လား..။ သူ ကျွန်တော့်ကို နေ့စဉ် မျှော်လင့်စောင့်စား နေခဲ့လေမလား။ ဒါမှမဟုတ်.... သူ့ရေသောက်မြစ်တွေ မွန်းကျပ်သေဆုံးစေသည်ထိ ရေဖြည့်ခဲ့မိသော ကျွန်တော့်ကို... မုန်းတီးသွားလေပြီလား။ သူ ဘယ်လောက်တောင် ဒုက္ခအတိ ရောက်ခဲ့ရပါလိမ့်။ အတွေးတွေနှင့် ခါးသီးစွာ ပူလောင်ရင်း သစ်ပင်လေး၏ နောက်ဆုံး သစ်ရွက် ကြွေသည်ထိ၊ သူ့ပင်စည်လေး အားအင်ကုန်ဆုံးလဲပြိုကျသည်ထိ ကျွန်တော် မျက်ရည်စက်လက်နှင့် စောင့်ကြည့်နေနိုင်ပါ့မည်လား။ သို့သော်... သစ်ပင်လေး ကျွန်တော့် မြင်ကွင်းမှ လုံးဝ ပျောက်ကွယ်သွားချိန်ထိ သူ..... ပြန်ရှင်သန်လာလေမလား ... မျှော်လင့်နေချင်ပါသေးသည်။

အခန်းလေးက လိုအပ်တာထက် ပိုမို မှောင်လဲ့နေလေသလား။ ကျွန်တော့ အာရုံတွေကပဲေ၀၀ါးနေလေသလား။ မသေချာပါ။ အချိန်က ညနေ နေ၀င်ရီတရောလား၊ မှောင်စပြုနေပြီလား။ ဟင့်အင်း.. ကျွန်တော် မမှတ်မိချင်တော့ဘူး။ ခုချိန်မှာ ကျွန်တော် ရှာဖွေနေတာက ဒီအခန်းလေးထဲမှာ ကျွန်တော်နှင့်အတူ အမြဲ ရှိနေခဲ့သော သစ်ပင်လေးသာ ဖြစ်သည်။
တစ်ခါတစ်ခါ မြတ်နိုးခြင်းသံယောဇဉ်များသည် အိပ်မက်များထဲတွင်ပင် ထာဝရ မတည်မြဲနိုင်သည်ကို အိမ်မက်ထဲမှာရော၊ တကယ့်ဘဝမှာပါ ကျွန်တော်က မေ့လျော့နေတတ်ပါသည်။ အိပ်မက်ထဲမှာသာ ပြန်ရှာတွေ့နိုင်တော့မည့် သစ်ပင်လေးအတွက်... ကျွန်တော့် အလွမ်းတို့ကတော့.. ထာဝရ..... နောင်တတို့ဖြင့်သာ.......။ ။

မေတ္တာဖြင့်
မိုးကုတ်သား

ဘဲငန်းတစ်ကောင်ရဲ့ စိတ်

ဆောင်းဦး ရာသီတွေမှာ တောင်ဘက်ကို ဦးတည်ပြီး ပျံသန်းနေတဲ့ ကျွန်တော်တို့အုပ်စုကို တွေ့ရင် သတိထား ကြည့်မိကြ၊ တွေးမိကြလား မသိဘူး။ ကျွန်တော်တို့က 'V' ပုံသဏ္ဌာန် ပျံသန်း နေကြတာလေ၊ ကျွန်တော်တို့ ဘာလို့ အဲ့ဒီလို ပျံသန်း နေကြတာလဲ။ သိပ္ပံနည်းကျ ပြောမယ် ဆိုရင်တော့ ငှက် တစ်ကောင် ချင်းစီက တောင်ပံခတ်လိုက်တိုင်း သူ့ အနောက်က လိုက်ပါလာတဲ့ ငှက်တွေကို အလွယ်တကူ ပျံသန်းနိုင်မဲ့ အားအဟုန်တွေ ဖြစ်စေတယ်။ အဲ့ဒီလို V ပုံသဏ္ဌာန် ပျံသန်းတဲ့အခါမှာ ငှက်တစ်အုပ်လုံးရဲ့ ပျံသန်းမှု နှုံးဟာ ငှက်တစ်ကောင် ချင်းစီ ပျံသန်း တာထက် ၇၁ ရာခိုင်နှုံး ပိုပြီး ခရီး ရောက်စေတယ်။
အသင်းအဖွဲ့စိတ် အပြည့်နဲ့ အတူတကွ ခရီးသွားကြမယ်၊ တစ်ယောက်အပေါ် တစ်ယောက် ယုံကြည်မှု အပြည့်နဲ့ ကူညီ စောင့်ရှောက်ကြမယ်ဆိုရင် လိုရာပန်းတိုင်ကို မြန်မြန် ရောက်နိုင် တယ်ဆိုတာ ကျွန်တော်တို့ သိတယ်။ ကျွန်တော်တို့ ထဲက တစ်ကောင်ကောင်က ဖွဲ့စည်းမှု ပုံသဏ္ဌာန် (formation) ထဲကနေ အပြင် ရောက်သွားပြီဆိုရင် ပျံသန်းရာမှာ ခက်ခဲ လေးလံမှု၊ နှေးကွေးမှုတွေကို ချက်ချင်း ခံစားရတတ်တဲ့ အတွက် ငှက်အုပ်ထဲကို အမြန် ပြန်ဝင် ပေါင်းစည်းပြီး ရှေ့က ခေါင်းဆောင်ငှက် ဆီက ရတဲ့ မြှင့်တင်ခြင်း စွမ်းအား (lifting power) အထောက်အပံ့ကို ရယူ အားပြုပြီး ပျံသန်းကြတယ်။ ကျွန်တော်တို့က စုစည်းညီညွတ်စိတ် ရှိကြမယ်ဆို သွားရာ၊ ဦးတည်ရာချင်း တူတဲ့ သူတွေနဲ့ အတူသွားရင် ပိုမြန်လိမ့်မယ် ဆိုတာ နားလည်ကြတယ်။
ထိပ်ဆုံးကနေ ဦးဆောင် ပျံသန်းနေတဲ့ ဘဲငန်းက မောလာပြီဆိုရင် အုပ်စုရဲ့ နောက်တောင်ပံ ဘက်ဆီ ဆုတ်သွားပီး တခြား ငှက်တစ်ကောင်က အဲ့ဒီနေရာကို အစားထိုး နေရာယူပြီး ပျံသန်းကြတယ်။ တာဝန်ကို အလှည့်ကျ ယူကြပါတယ်။ ဒါဟာ စဉ်းစား ချင့်ချိန်မှုတွေနဲ့ ၀ီရိယအထူးစိုက်ထုတ်ပြီး စိတ်ရောကိုယ်ပါ ပါဝင် လှုပ်ရှားကြတဲ့ ကျွန်တော်တို့ တစ်တွေရဲ့အသင်းအဖွဲ့ စုစည်းမှုပဲပေါ့။
ကျွန်တော်တို့တစ်တွေဟာ ရှေ့က ဦးဆောင် ပျံသန်းနေတဲ့ ငှက်ကို ခွန်အား အပြည့်နဲ့ ပျံသန်းနိုင်ဖို့ နောက်ကနေ ဟစ်အော် အားပေးကြတယ်။ သင်တို့ ရော အနောက်ကနေ ဟစ်အော် ကြတဲ့အခါ ဘာတွေများ အားပေးစကား အဖြစ် ပြောကြ ဖူးပါသလဲ။
V ပုံသဏ္ဌာန် ပျံသန်းခြင်းရဲ့ နောက်ထပ် အကျိုးကျေးဇူးက ကျွန်တော်တို့ တစ်တွေ အားလုံး တစ်ကောင်နဲ့ တစ်ကောင် မြင်နေနိုင် တယ်လေ။ ဒီတော့ အုပ်စုထဲက တစ်ကောင်ကောင် အနောက်မှာ ပြတ်ကျန်ခဲ့တာ၊ အကူအညီ လိုအပ်တာရှိရင် အလွယ်တကူ သတိထားမိ နိုင်တာပေါ့။
နောက်ဆုံးနဲ့ အရေးအကြီးဆုံး အချက်က ကျွန်တော်တို့ အုပ်စုထဲက တစ်ကောင်ကောင်ဟာ နာမကျန်းလို့၊ ပင်ပန်းလို့ပဲ ဖြစ်ဖြစ်၊ သေနတ်နဲ့်ပစ်ခံရလို့ ဒဏ်ရာရ သွားတာပဲ ဖြစ်ဖြစ်၊ ဖွဲ့စည်းမှု ပုံသဏ္ဌာန်ထဲက အပြင်ကို ရောက်သွားတဲ့အခါ တစ်ခြား ဘဲငန်းနှစ်ကောင်က အုပ်စုထဲက ခွဲထွက်ပီး အဲ့ဒီငှက်ကို အကူအညီပေး ကာကွယ်ကြတယ်။ သူတို့က အဲ့ဒီဘဲငန်း ခွန်အားပြည့်လို့ ပျံသန်းလာနိုင်တဲ့အထိ၊ ဒါမှမဟုတ် သေဆုံးသွားတဲ့အထိ အတူတူ ရှိပေးကြတယ်။ နောက်မှ သူတို့ဖာသာ ဆက်လက် ပျံသန်းပြီး၊ ဒါမှမဟုတ် တခြား ငှက်အုပ်တွေနဲ့ ပေါင်းစည်းပြီး သူတို့ အုပ်စုဟောင်း ရှိရာကို မှီအောင် လိုက်ပါ ပျံသန်း သွားကြတယ်။
ဒါဟာ teamwork လို့ခေါ်တဲ့ အသင်းအဖွဲ့ ပေါင်းစည်းလုပ်ရှားမှုနဲ့ ကျွန်တော်တို့ရဲ့ ခရီးရှည်ကြီးကို အမြန်ဆုံး၊ အထိရောက်ဆုံး အောင်အောင်မြင်မြင် လှမ်းနိုင်ခဲ့တဲ့ လျှို့ဝှက်ချက်ပဲပေါ့။

"Coming together is a beginning.
Keeping together is progress.
Working together is success. "

~ Henry Ford

"Teamwork divides the task and multiplies the success. "

~ Unknown

"Talent wins games, but teamwork and intelligence wins championships. "

~ Michael Jordan

A SENSE OF A GOOSE ကို ခံစား ရေးဖွဲ့ပါသည်။
မိုးကုတ်သား